Италия чемпионатининг 28-тури доирасида Туриннинг «Ювентус» клуби «Пиза» устидан 4:0 ҳисобида йирик ғалабани байрам қилди. Учрашув якунланганидан сўнг, «кекса синьора» бош мураббийи Лучано Спаллетти ўз шартномаси борасидаги саволга жавоб берди.
«Ҳозир келажак ҳақида гапирадиган вақт эмас. Келажакни жамоанинг навбатдаги машғулотида қуришда давом этамиз. Ҳозирги вақтда шартнома у қадар муҳим эмас», — дея мутахассиснинг сўзларини инсайдер Жанлука ди Марцио етказмоқда.
Турин клуби 50 очко жамғарган ҳолда Италия чемпионати турнир жадвалида олтинчи ўринни эгаллаб турибди. Спаллетти ва «Ювентус» ўртасидаги амалдаги меҳнат шартномаси муддати 2026 йилнинг июнь ойи охирида ниҳоясига етади.
