«Ливерпуль»нинг аргентиналик ярим ҳимоячиси Алексис Мак Аллистер «Реал» клубининг эътибор марказида қолмоқда. Бу ҳақда журналист Экрем Конур хабар бермоқда.

Манбанинг маълумотига кўра, «Ливерпуль» Мак Аллистер билан шартномани узайтириш бўйича музокаралар олиб бормоқда, бироқ ҳозирча ярим ҳимоячининг «Энфилд»даги келажаги ноаниқлигича қолмоқда. Таъкидланишича, «Реал» жаҳон чемпионига бўлган қизиқишини сақлаб турибди. Эҳтимол, келаётган ёзда «қаймоқранглилар» аргентиналик футболчини сотиб олишга ҳаракат қилиб кўришади.

Жорий мавсумда Макаллистер барча турнирларда 41 та ўйинда иштирок этди. У рақиблар дарвозасини 5 бор ишғол қилди ва 4 та голли узатмани амалга оширди.

Transfermarkt портали маълумотларига кўра, ярим ҳимоячининг бозор қиймати 85 миллион еврони ташкил этади.