«Liverpul»ning argentinalik yarim himoyachisi Aleksis Mak Allister «Real» klubining e’tibor markazida qolmoqda. Bu haqda jurnalist Ekrem Konur xabar bermoqda.

Manbaning ma’lumotiga ko‘ra, «Liverpul» Mak Allister bilan shartnomani uzaytirish bo‘yicha muzokaralar olib bormoqda, biroq hozircha yarim himoyachining «Enfild»dagi kelajagi noaniqligicha qolmoqda. Ta’kidlanishicha, «Real» jahon chempioniga bo‘lgan qiziqishini saqlab turibdi. Ehtimol, kelayotgan yozda «qaymoqranglilar» argentinalik futbolchini sotib olishga harakat qilib ko‘rishadi.

Joriy mavsumda Makallister barcha turnirlarda 41 ta o‘yinda ishtirok etdi. U raqiblar darvozasini 5 bor ishg‘ol qildi va 4 ta golli uzatmani amalga oshirdi.

Transfermarkt portali ma’lumotlariga ko‘ra, yarim himoyachining bozor qiymati 85 million yevroni tashkil etadi.