«Манчестер Сити» бош мураббийи Хосеп Гвардиола «Ньюкасл»га қарши ўйинда дубль қайд этган жамоа ҳужумчиси Омар Мармуш ҳақидаги саволга жавоб берди.
«Мармушнинг иккинчи голидан кейин қайта-қайта нима дедим? Узр, узр ва яна бир бор узр. У шунчаки ажойиб ўйнагани учун узр сўрадим», — деди Гвардиола журналистларга.
7 март куни «Манчестер Сити» Англия Кубоги 1/8 финали доирасида сафарда «Ньюкасл»ни мағлуб этди. Учрашув 3:1 ҳисобида «шаҳарликлар» фойдасига ҳал бўлди. Меҳмонлар таркибида голларни Савио ва Омар Мармуш (дубль) киритишди.
Ушбу мавсумда Мармуш барча турнирларда 26 та ўйинда майдонга тушиб, 6 та гол урди ва 2 та голли узатма муаллифига айланди.
