«Ливерпуль» Райан Гравенберхнинг келажаги борасидаги масалани ҳал қилди — нидерландиялик ярим ҳимоячи мерсисайдликлар клуби билан узоқ муддатли шартнома имзолади.
Журналист Пол Жойснинг маълумотларига кўра, энди «Ливерпуль» уч нафар футболчиси билан шартномаларни узайтириш устида ишламоқда. Ушбу рўйхатга ҳимоячи Ибраима Конате, шунингдек, икки нафар ярим ҳимоячи — Доминик Собослаи ва Алексис Мак Аллистер киритилган.
Шу билан бирга, Конате билан музокаралардаги илгарилаш жуда паст эканлиги қайд этилмоқда. Аввалроқ, 2025/2026 йилги мавсум якунланганидан сўнг франциялик футболчи эркин агент сифатида «Реал»га ўтиши ҳақида хабар берилган эди.
«Ливерпуль» навбатдаги ўйинини 10 март куни Туркияда Чемпионлар лигаси доирасида «Галатасарой»га қарши ўтказади.













