Италия чемпионатининг 28-туридан ўрин олган баҳсда «Милан» «Интер» устидан 1:0 ҳисобида ғалаба қозонди.

Ўйиндаги ягона голни 35-дақиқада эквадорлик ҳимоячи Первис Эступиньян киритди. Ҳар икки жамоа рақиб дарвозаси соҳасига иккитадан аниқ зарба йўллади.

Ушбу ғалабадан сўнг «Милан» (28 ўйиндан кейин 60 очко) Италия чемпионати турнир жадвалида иккинчи ўринни эгаллаб турибди. «Интер» (28 ўйиндан кейин 67 очко) эса ҳамон пешқадамлик қилмоқда.

Келгуси турда «Интер» 14 март куни ўз майдонида «Аталанта»ни қабул қилади, «Милан» эса 15 март куни меҳмонда «Лацио»га қарши майдонга тушади.

А Серия. 28-тур
«Жузеппе Меацца», Милан

«МИЛАН» — «ИНТЕР» — 1:0
Гол: Эступиньян 35 (1:0).

«Милан»: Меньян, де Винтер, Павлович, Томори, Рабьо, Модрич, Фофана (Риччи, 73), Эступиньян, Салемакерс, Леау (Фюллкруг, 73), Пулишич (Нкунку, 84).

«Интер»: Зоммер, Аканджи, Бастони (Карлос Аугусту, 68), Биссек (Диуф, 80), Зелиньски, Мхитарян (Дюмфрис, 59), Барелла (Фраттези, 68), Димарко, Луис Энрике (Сучич, 59), Бонни, Эспозито.

Огоҳлантиришлар: Рабьо (80), Модрич (89) — Бастони (65), Дюмфрис (69).