Мадриднинг «Реал» клуби «Ньюкасл Юнайтед» ярим ҳимоячиси Сандро Тоналига қизиқиш билдирмоқда.
The Sun нашрининг маълумотига кўра, Испания клуби скаутлари италиялик футболчининг ўйинини кузатиш учун Англия кубоги доирасидаги «Манчестер Сити»га қарши баҳсга ташриф буюришган.
Қайд этилишича, Тоналининг ўзи ҳозирча «Сент-Жеймс Парк»ни тарк этиш истагини билдирмаган, бироқ бир нечта Европа клублари эҳтимолий ёзги трансферни кўзлаган ҳолда унинг вазиятини кузатиб боришмоқда.
24 ёшли хавбекнинг «Ньюкасл» билан шартномаси 2030 йилгача мўлжалланган, шу сабабли ҳар қандай қизиқиш билдирган клуб учун бу ўтиш арзонга тушиши даргумон.
«Реал»дан ташқари, ўйинчига «Арсенал» ва «Манчестер Сити» клублари ҳам қизиқиш билдираётгани айтилмоқда. Шу билан бирга, ёзги трансфер ойнаси очилгандан сўнг реал таклифлар бўлиш-бўлмаслиги ҳозирча номаълум.
