«Милан» ярим ҳимоячиси Лука Модрич Мадриднинг «Реал» клубига қайтиши ҳақида тарқалган маълумотларга изоҳ берди.
Сўнгги кунларда оммавий ахборот воситаларида «қироллик клуби»нинг «россонери» бош мураббийи Массимилиано Аллегрига қизиқиш билдираётгани ҳақида хабарлар кўпайди. Шу билан бирга, италиялик мутахассис Миланга кетишдан олдин 13 йил давомида «Реал» шарафини ҳимоя қилган Модрични ўзи билан бирга олиб кетмоқчи экани айтилган эди.
«Реал»га қайтиш? Клуб атрофида доим миш-мишлар кўп бўлади, лекин мен бунга аралашмайман. Мен «Милан»да бахтлиман», — дея Модричнинг сўзларидан иқтибос келтиради Madrid Universal.
40 ёшли хорватиялик футболчининг А Серия гранди билан шартномаси мавсум якунига қадар мўлжалланган, бироқ ярим ҳимоячининг хоҳишига кўра, келишув автоматик тарзда яна бир йилга узайтирилиши мумкин.
