Жорий мавсум якунланганидан сўнг «Манчестер Юнайтед»да яна мураббий алмашиши мумкин.
Клуб раҳбарияти бош мураббий вазифасини вақтинча бажарувчи Майкл Кэррикнинг ишидан мамнун. «Манчестер Юнайтед» мутасаддилари инглиз мутахассисига билдирилган ишонч ўзини тўлиқ оқлади, деб ҳисоблашмоқда, бироқ унинг келажаги борасида ҳали якуний қарор қабул қилинмаган. Бу ҳақда The Athletic нашри хабар бермоқда.
Якуний танлов мавсум тугаганидан кейин амалга оширилади. Жамоанинг доимий мураббийи сифатида Рубен Аморимнинг ўрнини ким эгаллаши ҳозирча аниқ эмас.
Аввалроқ «МЮ» Роберто де Дзерби, Карло Анчелотти, Роберто Мартинес ва бошқа мураббийларга қизиқиш билдираётгани ҳақида хабарлар тарқалган эди. Айни дамда манкунианликлар Премьер-лига турнир жадвалида учинчи ўринни эгаллаб турибди.
