"Лион" кичик инқирозни бошдан кечирмоқда; клуб тўртта ўйинда бирорта ҳам ғалаба қозона олмади. Португалиялик мураббий Пауло Фонсека ўйинчиларининг жисмоний ҳолатидан хавотирда.
"Ҳозирда кўплаб ўйинлар бор ва ўйинчиларнинг юқори формада бўлишига умид қилиш бефойда. Мен ҳақиқатан ҳам халқаро танаффусга умид қиляпман - бу ўйинчиларнинг тикланишига ёрдам бериши керак", деди Фонсека.
"Лион" Франция лигаси жадвалида тўртинчи ўринда. Фонсека ўтган йилнинг январь ойидан бери клубга мураббийлик қилиб келмоқда; у илгари "Милан"ни бошқарган.
