9 март оқшомида Англия Кубогининг чорак финал учрашувлари учун қуръа ташлаш маросими бўлиб ўтди. Унда собиқ футболчилар Даррен Флетчер, Алли Маккойст, Жо Коул ва Жо Харт иштирок этдилар.
Қуръа натижаларига кўра, қуйидаги жуфтликлар шаклланди:
-
«Саутгемптон» – «Арсенал»
-
«Челси» – «Порт Вейл»
-
«Манчестер Сити» – «Ливерпуль»
-
«Вест Хэм» ёки «Брентфорд» – «Лидс»
Мусобақанинг сўнгги иштирокчиси 9 март куни тунда бўлиб ўтадиган учрашув якунларига кўра аниқланади.
Чорак финал босқичи доирасидаги ўйинлар 4 ва 5 апрель кунлари бўлиб ўтади. Турнирнинг аввалги мавсуми «Кристал Пэлас» клубининг ғалабаси билан якунланган эди, бироқ жамоа бу гал олтинчи дивизион вакили «Маклсфилд»га мағлуб бўлиб, мусобақани эрта босқичда тарк этди.
