АҚШ Президенти Дональд Трамп эронлик футболчи аёллар билан боғлиқ вазият ривожига муносабат билдирди.
Аввалроқ давлат раҳбари Австралия ҳукуматига мурожаат қилиб, Осиё Кубогидан сўнг Эрон аёллар терма жамоасига доимий бошпана беришни ва уларни уйига юбормасликни сўраган эди: «Уларни у ерда, катта эҳтимол билан, ўлдиришади».
Эндиликда Трампда янги маълумотлар пайдо бўлди.
«Мен ҳозигина Австралия Бош вазири Энтони Альбанезе билан Эрон аёллар футбол терма жамоаси масаласида гаплашдим. У бу билан шуғулланмоқда! Беш нафари аллақачон жойлаштирилди, қолганлари бўйича иш олиб борилмоқда.
Бироқ, айримлар барибир қайтишлари керак деб ҳисоблашмоқда, чунки улар ўз оилалари хавфсизлигидан хавотирда. Жумладан, агар улар қайтмаса, оила аъзоларига нисбатан бўладиган таҳдидлардан чўчишмоқда.
Ҳар қандай ҳолатда ҳам, Бош вазир ушбу анча нозик вазиятни жуда яхши бошқармоқда. Худо Австралияни ўз паноҳида асрасин!» — деб ёзди АҚШ Президенти.
