AQSH Prezidenti Donald Tramp eronlik futbolchi ayollar bilan bog‘liq vaziyat rivojiga munosabat bildirdi.
Avvalroq davlat rahbari Avstraliya hukumatiga murojaat qilib, Osiyo Kubogidan so‘ng Eron ayollar terma jamoasiga doimiy boshpana berishni va ularni uyiga yubormaslikni so‘ragan edi: «Ularni u yerda, katta ehtimol bilan, o‘ldirishadi».
Endilikda Trampda yangi ma’lumotlar paydo bo‘ldi.
«Men hozigina Avstraliya Bosh vaziri Entoni Albaneze bilan Eron ayollar futbol terma jamoasi masalasida gaplashdim. U bu bilan shug‘ullanmoqda! Besh nafari allaqachon joylashtirildi, qolganlari bo‘yicha ish olib borilmoqda.
Biroq, ayrimlar baribir qaytishlari kerak deb hisoblashmoqda, chunki ular o‘z oilalari xavfsizligidan xavotirda. Jumladan, agar ular qaytmasa, oila a’zolariga nisbatan bo‘ladigan tahdidlardan cho‘chishmoqda.
Har qanday holatda ham, Bosh vazir ushbu ancha nozik vaziyatni juda yaxshi boshqarmoqda. Xudo Avstraliyani o‘z panohida asrasin!» — deb yozdi AQSH Prezidenti.
