Неймар март ойидаги ўйинлар учун Бразилия терма жамоасига чақирилиши мумкин.
UOL маълумотларига кўра, «Сантос» ҳужумчиси ҳозирда 50 дан ортиқ кишидан иборат бўлган кенгайтирилган таркибга киритилган.
34 ёшли футболчи 11 март куни «Мирассол»га қарши баҳсда майдонга тушмайди. Шу сабабли, нашрда таъкидланишича, унда миллий терма жамоа бош мураббийи Карло Анчелоттини Франция ва Хорватияга қарши ўйинларга чақиришга ишонтириш учун фақат битта учрашув («Коринтианс»га қарши) қолади.
Шунга қарамай, италиялик мутахассис барибир «Сантос»нинг яқин орадаги ўйинига ташриф буюради ва Неймар билан суҳбатлашади.
«Барселона» ва «ПСЖ»нинг собиқ футболчиси охирги марта 2023 йилнинг октябрь ойида терма жамоа сафида майдонга тушган эди.
