«Барселона» бош мураббийи Ханс-Дитер Флик Мадриднинг «Атлетико» жамоасига қарши кубок баҳси ҳақида ўз фикрлари билан ўртоқлашди.

«Биз 0:4 ҳисобидаги мағлубиятни муҳокама қилдик ва таҳлил қилдик. Очиғини айтсам, биз жамоа бўлиб ўзимиз хоҳлагандек ҳимоялана олмадик. Айрим футболчилар ҳимоядаги вазифаларини ёмон бажаришди. Ўз уйимиздаги ўйинда эса, аксинча, ҳамма ҳимояланди, керакли масофани сақлади ва зарур пайтда прессинг уюштирди... Агар прессинг қилинмаса, ҳимояланиш қийин кечади», — дея Фликнинг сўзларидан иқтибос келтиради журналист Фабрицио Романо.

Эслатиб ўтамиз, Испания кубоги ярим финалининг икки ўйини натижасига кўра «Барселона» «Атлетико»га имкониятни бой бериб (0:4, 3:0), турнирни тарк этган эди.

Бугун, 10 март куни «кўк-анорранглилар» сафарда «Ньюкасл» билан куч синашадилар. Чемпионлар лигаси 1/8 финалининг дастлабки учрашуви Тошкент вақти билан соат 01:00 да бошланади.