«Barselona» bosh murabbiyi Xans-Diter Flik Madridning «Atletiko» jamoasiga qarshi kubok bahsi haqida o‘z fikrlari bilan o‘rtoqlashdi.
«Biz 0:4 hisobidagi mag‘lubiyatni muhokama qildik va tahlil qildik. Ochig‘ini aytsam, biz jamoa bo‘lib o‘zimiz xohlagandek himoyalana olmadik. Ayrim futbolchilar himoyadagi vazifalarini yomon bajarishdi. O‘z uyimizdagi o‘yinda esa, aksincha, hamma himoyalandi, kerakli masofani saqladi va zarur paytda pressing uyushtirdi... Agar pressing qilinmasa, himoyalanish qiyin kechadi», — deya Flikning so‘zlaridan iqtibos keltiradi jurnalist Fabrisio Romano.
Eslatib o‘tamiz, Ispaniya kubogi yarim finalining ikki o‘yini natijasiga ko‘ra «Barselona» «Atletiko»ga imkoniyatni boy berib (0:4, 3:0), turnirni tark etgan edi.
Bugun, 10 mart kuni «ko‘k-anorranglilar» safarda «Nyukasl» bilan kuch sinashadilar. Chempionlar ligasi 1/8 finalining dastlabki uchrashuvi Toshkent vaqti bilan soat 01:00 da boshlanadi.
