«Тоттенхэм»нинг франциялик ҳужумчиси Матис Тель «шпорлар»нинг собиқ бош мураббийи Томас Франк билан бўлган мураккаб муносабатлари ҳақида сўзлаб берди.
«Жамоадаги ролим борасида Томас билан келишмовчиликларимиз бор эди ва бу унга ёқмасди. Аммо у вазиятни тузатишга уринмади ҳам. Нима учун бунчалик тез-пез захира ўриндиғида қолиб кетаётганимни тушунмасдим. Мен жамоага ҳозиргидан кўра кўпроқ ёрдам бера олишим мумкинлигини ҳис қилардим», — дея Тельнинг сўзларини келтиради The Zach En Roue Libre подкасти.
Жорий мавсумда 20 ёшли футболчи барча турнирларни инобатга олган ҳолда 27 та учрашувда майдонга тушди ва 3 та гол муаллифига айланди.
