«Манчестер Юнайтед» «Комо» клубининг 20 ёшли испаниялик ярим ҳимоячиси Хесус Родригес билан шартнома имзолаш имкониятларини кўриб чиқмоқда. Бу ҳақда Transfer News Live Телеграм-канали хабар бермоқда.
Қайд этилишича, «МЮ» раҳбарияти ҳозирда ижара асосида Испания клубида тўп сураётган Маркус Рэшфордни сотиб олиш учун каталонияликларда етарли маблағ топилмайди, деб умид қилган эди. Бироқ сўнгги вақтларда «кўк-анорранглилар» Маркус билан доимий асосда шартнома имзолаш ниятида эканликларини маълум қилишмоқда.
Хесус Родригес 2025 йилда «Бетис»дан «Комо» сафига кўчиб ўтган эди. Ушбу мавсумда у клуб сафида 28 та ўйинда майдонга тушиб, 3 та гол урди ва 8 та голли узатмани амалга оширди.
