Мадриднинг «Реал» клуби ва Бразилия терма жамоасининг 25 ёшли ҳужумчиси Родриго тиззасининг олдинги хочсимон пайлари узилиши ташхиси билан муваффақиятли операция қилинди. Бу ҳақда «қироллик клуби»нинг расмий сайтида хабар берилди.
Хабарда қайд этилишича, яқин кунларда ҳужумчи реабилитация жараёнини бошлайди. Родриго Ла Лига доирасидаги «Хетафе»га қарши ўйинда (1:0) жароҳат олган эди. Дастлабки прогнозларга кўра, ҳужумчи тахминан олти ойни ўтказиб юборади.
Родриго 2020 йилда «Сантос»дан кўчиб ўтганидан бери «Реал» шарафини ҳимоя қилиб келмоқда. Жорий мавсумда у клуб сафида 27 та ўйинда майдонга тушиб, 3 та гол урди ва 4 та голли узатмани амалга оширди.
