«Барселона» президенти Жоан Лапорта каталонияликларнинг «Атлетико» ҳужумчиси Хулиан Альваресга бўлаётган қизиқиши ҳақидаги миш-мишларга муносабат билдирди.
«Хулиан Альварес — «Барселона» тизимига жуда яхши мос туша оладиган ажойиб футболчи. Бироқ у трансфери учун жуда катта маблағ тўланиши керак бўлган ўйинчи эмас. Аввало, унинг ўзи трансферга тайёр эканлигини кўрсатиши лозим. Шунингдек, нарх ҳам мақбул бўлиши керак», — дея Лапортанинг сўзларини келтиради Carpetas Blaugranas.
Хулиан Альварес 2024 йилда «Манчестер Сити»дан 75 миллион евро эвазига «Атлетико»га ўтган эди. Унинг «матрасчилар» билан шартномаси 2030 йилнинг 30 июнига қадар мўлжалланган. Жорий мавсумда аргентиналик футболчи мадридликлар сафида барча мусобақаларда 40 та ўйинда майдонга тушиб, 14 та гол урди ва 6 та голли узатмани амалга оширди.
