«Манчестер Сити»нинг собиқ қанот ҳимоячиси, ҳозирда «Бёрнли» шарафини ҳимоя қилаётган Кайл Уокер Англия миллий терма жамоасидаги фаолиятини якунлаганини маълум қилди.
«Бугун ҳамма нарса ниҳоясига етадиган лаҳза келди. Халқаро майдондаги фаолиятимга нуқта қўйиш мен учун фахрдир. Барча жамоадошларимга, собиқ ва ҳозиргиларига раҳмат айтаман ва уларга энг эзгу тилакларимни тилаб қоламан. Шунингдек, кўп йиллар давомида мени қўллаб-қувватлаган мухлисларга миннатдорчилик билдираман», — деди Уокер.
35 ёшли Кайл Уокер миллий терма жамоа сафида жами 96 та учрашувда иштирок этиб, ўз ҳисобига 1 та гол ва 10 та голли узатмани ёздириб қўйган. Ҳимоячи инглизлар таркибида икки бор Европа чемпионатининг кумуш медали соҳибига айланган.
