«ПСЖ» вингери Хвича Кварацхелия фаолиятини Англияда давом эттириши мумкин.
Fichajes нашри берган маълумотларга кўра, грузиялик футболчини ўз сафига қўшиб олиш учун курашга «Челси» ҳам қўшилди. «Кўклар» бош мураббийи Лиам Росеньор 25 ёшли футболчи истеъдодининг ашаддий мухлиси ҳисобланади. У Кварацхелия Лондон клубининг ҳужум чизиғига жуда мос тушади деб ҳисобламоқда.
Хвича Кварацхелия 2025 йилда «Наполи»дан 80 миллион евро эвазига «ПСЖ» таркибига ўтган эди. Унинг Париж клуби билан шартномаси 2029 йилнинг 30 июнига қадар мўлжалланган. Жорий мавсумда вингер парижликлар сафида барча мусобақаларда 34 та ўйинда майдонга тушиб, 9 та гол урди ва 6 та голли узатмани амалга оширди. Transfermarkt портали Кварацхелиянинг трансфер қийматини 90 миллион еврога баҳоламоқда.
