«PSJ» vingeri Xvicha Kvarasxeliya faoliyatini Angliyada davom ettirishi mumkin.
Fichajes nashri bergan ma’lumotlarga ko‘ra, gruziyalik futbolchini o‘z safiga qo‘shib olish uchun kurashga «Chelsi» ham qo‘shildi. «Ko‘klar» bosh murabbiyi Liam Rosenyor 25 yoshli futbolchi iste’dodining ashaddiy muxlisi hisoblanadi. U Kvarasxeliya London klubining hujum chizig‘iga juda mos tushadi deb hisoblamoqda.
Xvicha Kvarasxeliya 2025 yilda «Napoli»dan 80 million yevro evaziga «PSJ» tarkibiga o‘tgan edi. Uning Parij klubi bilan shartnomasi 2029 yilning 30 iyuniga qadar mo‘ljallangan. Joriy mavsumda vinger parijliklar safida barcha musobaqalarda 34 ta o‘yinda maydonga tushib, 9 ta gol urdi va 6 ta golli uzatmani amalga oshirdi. Transfermarkt portali Kvarasxeliyaning transfer qiymatini 90 million yevroga baholamoqda.
