«Бавария» жамоаси Чемпионлар лигаси 1/8 финалининг илк учрашувида «Аталанта» устидан 6:1 ҳисобида ғалаба қозонди. Ўйин Италиядаги «Атлети Адзурри д'Италия» стадионида бўлиб ўтди.
Учрашувнинг 25-дақиқасига келиб, немис клуби йирик ҳисобда олдинга чиқиб олди. Голларга Йосип Станишич (12-дақиқа), Майкл Олисе (22-дақиқа) ва Серж Гнабри (25-дақиқа) муаллифлик қилишди. Ўйиннинг иккинчи бўлимида Олисе ўз ҳисобига иккинчи голни ёздириб қўйди, шунингдек, Николас Жексон ҳам дубль қайд этди. Баҳс якунида итальянлар тасалли берувчи голни уришди — Марио Пашалич ўз исмини таблога ёздириб қўйди.
Жавоб учрашуви бир ҳафтадан сўнг, 18 март куни Германиядаги «Альянц Арена» стадионида бўлиб ўтади. Ўйин Тошкент вақти билан 19 мартга ўтар кечаси соат 01:00 да бошланади.
УЕФА Чемпионлар лигаси. 1/8 финал
11.03.2026 | 01:00
«Атлети Адзурри д’Италия», Бергамо
«АТАЛАНТА» (Италия) — «БАВАРИЯ» (Германия) — 1:6
Голлар: Станишич 12 (0:1), Олисе 22 (0:2), Гнабри 25 (0:3), Жексон 52 (0:4), Олисе 64 (0:5), Мусиала 67 (0:6), Пашалич 90+3 (1:6).
«Аталанта»: Карнесекки, Хин, Колашинац (Аханор, 55), Бернаскони, Дзаппакоста (Белланова, 67), Пашалич, де Рон, Залевски (Муса, 55), Сулемана (Самарджич, 73), Скамакка (Жимсити, 46), Крстович.
«Бавария»: Урбиг, Упамекано, Та, Лаймер (Дэйвис, 46, Бишоф, 71), Станишич (Рафаэл Геррейру, 86), Киммих, Павлович (Горецка, 68), Гнабри (Мусиала, 46), Диас, Олисе, Жексон.
Огоҳлантиришлар: Муса (83) — Лаймер (39), Олисе (77), Киммих (84).
