«Тоттенхэм»нинг икки футболчиси Чемпионлар лигаси 1/8 финали доирасидаги «Атлетико»га қарши илк учрашув (2:5) якунида бир-бирлари билан тўқнашиб кетиб, жароҳат олишди.
Ҳакам томонидан қўшиб берилган вақтда ҳимоячи Кристиан Ромеро ва ярим ҳимоячи Жоау Пальинья рақиб ҳужумчиси Александр Сёрлотга халақит беришга уриниб, бир-бирларига урилиб кетишди ва бошлари билан тўқнашишди.
Португалиялик футболчини шифокорлар майдондан олиб чиқиб кетишди, аргентиналик ҳимоячи эса майдонда қолди, бироқ унинг боши айлана бошлади. Ромеро марказий айлана яқинида ўтириб қолди ва якунда майдон четига ўзи чиқиб кетди. Натижада «шпорлар» ўйинни бир киши кам бўлиб якунлашди.
