«Tottenxem»ning ikki futbolchisi Chempionlar ligasi 1/8 finali doirasidagi «Atletiko»ga qarshi ilk uchrashuv (2:5) yakunida bir-birlari bilan to‘qnashib ketib, jarohat olishdi.
Hakam tomonidan qo‘shib berilgan vaqtda himoyachi Kristian Romero va yarim himoyachi Joau Palinya raqib hujumchisi Aleksandr Syorlotga xalaqit berishga urinib, bir-birlariga urilib ketishdi va boshlari bilan to‘qnashishdi.
Portugaliyalik futbolchini shifokorlar maydondan olib chiqib ketishdi, argentinalik himoyachi esa maydonda qoldi, biroq uning boshi aylana boshladi. Romero markaziy aylana yaqinida o‘tirib qoldi va yakunda maydon chetiga o‘zi chiqib ketdi. Natijada «shporlar» o‘yinni bir kishi kam bo‘lib yakunlashdi.
