Бразилиялик фахрий футболчи Тьяго Силва Неймарнинг навбатдаги жаҳон чемпионатида иштирок этиш истиқболлари ҳақида гапирди. Ҳозирда Неймарни Мундиалга олиб бориш ёки бормаслик масаласи Бразилия футболидаги энг муҳим мавзулардан бири бўлиб турибди. Силванинг фикрича, уни таркибга жалб этиш керак.
«Менинг фикрим шундай — агар Неймарнинг ҳолати яхши бўлса ва у жисмонан тайёр бўлса, уни терма жамоа таркибига олиш зарур. Агар мен мураббий бўлганимда, шундай йўл тутган бўлардим. У масъулиятни ўз зиммасига олади ва бу бошқа футболчиларнинг анча эркинроқ ўйин кўрсатишига имкон беради», — дея Силванинг сўзларидан иқтибос келтиради pianetamilan.it.
Эслатиб ўтамиз, жаҳон чемпионати 11 июнь куни бошланади ва бирданига учта мамлакатда бўлиб ўтади.
