Ўз вақтида "Тоттенхэм" шарафини ҳимоя қилган Жейми О’Хара Лондон жамоасининг ёмон натижаларида бош мураббий Игор Тудорни айблади.
Хорватиялик мутахассис тайинланганидан сўнг "шпорлар" кетма-кет тўртта ўйинда мағлубиятга учрадилар. Сешанба куни инглизлар Чемпионлар Лигаси 1/8 финалида Мадриднинг "Атлетико" жамоасидан йирик (2:5) ҳисобида мағлуб бўлишди.
"Ўзи нималар бўляпти? Уни ишдан бўшатинг. Мен буни бошқа томоша қила олмайман, буни телевизоримдан йўқотинг. Бу мураббий — фирибгар. У мен кўрган энг катта фирибгардир", — дея экспертнинг сўзларидан иқтибос келтиради TalkSport.
Англия Премьер-лигаси турнир жадвалида "Тоттенхэм" 29 очко билан 16-ўринда бормоқда.
