"Бавария" ўзининг расмий сайтида бир нечта футболчисининг жароҳат олгани ҳақида маълумот жойлаштирди. Унга кўра, Мюнхен клубининг лазаретидан дарвозабон Йонас Урбиг, ҳимоячи Альфонсо Дэвис ва ҳужумкор ярим ҳимоячи Жамал Мусиала жой олди. Ушбу футболчиларнинг барчаси Чемпионлар Лигаси доирасида "Аталанта"га қарши кечган (6:1 ҳисобидаги ғалаба) ўйинда иштирок этишган эди.
Урбигда бош мия чайқалиши, Дэвисда ўнг оёқ тизза ости пайлари мушаклари чўзилиши аниқланган. Мусиалада эса ўтган ёзда орттирилган тўпиқ жароҳатининг асорати кузатилган. "Бавария" футболчиларнинг тикланиш муддатлари ҳақида ҳозирча маълумот бермади.
Эслатиб ўтамиз, Йонас Урбиг Бергамодаги ўйинда асосий дарвозабон Мануэль Нойернинг жароҳати сабабли "Бавария" дарвозасини қўриқлаган эди.
