«ПСЖ» вингери Хвича Кварацхелия «Челси»га қарши баҳсда захирадан майдонга тушганидан сўнг учта самарали ҳаракатни амалга оширди. Чемпионлар лигаси 1/8 финалининг илк учрашувида «ПСЖ» ўз уйида 5:2 ҳисобида ғалаба қозонди.
Хвича ўйиннинг 62-дақиқасида Дезире Дуэ ўрнига захирадан майдонга тушди. 74-дақиқада у Витиньяга голли узатмани етказиб берди, шундан сўнг 86 ва 94-дақиқаларда иккита гол урди. Вингер учрашувнинг энг яхши футболчиси деб топилди.
Чемпионлар лигасининг жорий мавсумида Хвича ҳисобида жами 6 та гол ва 4 та голли узатма мавжуд.
