Чемпионлар лигаси 1/8 финалининг илк баҳсида Лондоннинг «Челси» клуби сафарда Франциянинг «ПСЖ» жамоасига 2:5 ҳисобида имкониятни бой берди. «Аристократлар» ҳимоячиси Уэсли Фофана учрашувдан олган таассуротлари билан ўртоқлашди.
«Юқори даражадаги ўйинларда бундай хатоларга йўл қўйиб бўлмайди. Ўтган баҳсда «Челси» қўпол хатоларга йўл қўйди. Ўйин якунида биз прессингни кучайтирдик ва бешинчи голни ўтказиб юбордик. Рақиб бизни барча камчиликларимиз учун жазолади. Бироқ ҳали ҳеч нарса ҳал бўлгани йўқ. Ўз уйимизда учта гол уришимиз керак», — дея ҳимоячининг сўзларини келтиради RMC Sport.
«Челси» ва «ПСЖ» ўртасидаги жавоб учрашуви 17 март, сешанба куни Лондоннинг «Стэмфорд Бридж» стадионида бўлиб ўтади.
