Норвегиянинг «Будё-Глимт» клуби ярим ҳимоячиси Сондре Брустад Фет ўз жамоасининг Лиссабоннинг «Спортинг» жамоасига қарши баҳсдаги муваффақиятидан сўнг фикр билдирди. Чемпионлар лигаси 1/8 финали доирасидаги илк учрашув 3:0 ҳисобида якунланди.
«Жуда ёқимли туйғу, мен ҳам ўз ўйинимдан, ҳам жамоанинг кўрсатган натижасидан мамнунман. Бу анча очиқ ўйин бўлди, айрим вазиятларда ўйин назоратини яхшироқ ушлаб туришимиз мумкин эди, лекин менимча, кучли рақибга қарши яхши баҳс ўтказдик. Лиссабонда бизни қийин ўйин кутмоқда», — дея футболчининг сўзларини келтиради УЕФА расмий сайти.
