«Барселона» президентлигига номзод Виктор Фонт келажакда Эрлинг Холандни клубга жалб қилишга умид қилмоқда.
Каталония гранди раҳбари учун сайловлар 15 март куни бўлиб ўтади, бироқ журналист Карлос Монфорнинг хабар беришича, Фонт вакиллари норвегиялик юлдузнинг эҳтимолий трансферини муҳокама қилиш учун аллақачон «Манчестер Сити» раҳбарияти билан учрашган. Ҳозирча аниқ музокаралардан йироқ бўлинса-да, Жоан Лапортанинг рақиби Холанд жамоани тарк этадиган тақдирда, «Барселона» ҳужумчи учун устувор вариант бўлишига ҳаракат қилмоқда.
Эрлинг Холанднинг «шаҳарликлар» билан шартномаси 2034 йилгача мўлжалланган бўлиб, Transfermarkt порталида унинг нархи 200 миллион евро этиб белгиланган. Шунингдек, 25 ёшли футболчига Мадриднинг «Реал» клуби ҳам қизиқиш билдираётгани айтилмоқда.
