Жорий мавсум якунланганидан кейин «асаларилар» сафини тарк этадиган Дортмунднинг «Боруссия» клуби ярим ҳимоячиси Юлиан Брандтда Англия Премьер-лигасида фаолиятини давом эттириш вариантлари пайдо бўлди.
Football Insider нашри берган маълумотга кўра, 29 ёшли германиялик хавбек билан шартнома имзолашга Лондоннинг «Арсенал» ва Бирмингемнинг «Астон Вилла» клублари қизиқиш билдирмоқда. Ҳар икки клуб футболчи эркин агентга айланадиган ёзги трансфер ойнасида Брандтни қўлга киритишга ҳаракат қилиб кўради.
Германия Бундеслигасининг жорий мавсумида Юлиан дортмундликлар сафида 20 та учрашувда майдонга тушди. Ярим ҳимоячи ўз ҳисобига 6 та гол ва 3 та голли узатмани ёздириб қўйишга муваффақ бўлган.
