Грэм Поттер куз фаслида Швеция терма жамоаси бош мураббийи этиб тайинланган эди. Унинг қўл остида «уч тож» ЖЧ-2026 саралаши доирасида Швейцарияга имкониятни бой берди (1:4) ва Словения билан дуранг ўйнади (1:1).
Мураббий бошқарувида ҳали ғалаба қозонилмаганига қарамай, Швеция футбол иттифоқи Поттер билан шартномани узайтиришга қарор қилди. Пайшанба куни 50 ёшли мутахассис 2030 йилги Жаҳон чемпионати якунига қадар мўлжалланган янги меҳнат битимига имзо чеккани эълон қилинди.
Швеция терма жамоаси ўзининг навбатдаги учрашувини 26 март куни Жаҳон чемпионати йўлланмаси учун плей-оффнинг илк ярим финали доирасида Украинага қарши ўтказади. Агар шведлар ғалаба қозонишса, мундиал йўлланмаси учун Польша — Албания жуфтлиги ғолиби билан куч синашадилар.
