«Реал» Чемпионлар лигасида «Манчестер Сити»ни 3:0 ҳисобида мағлуб этди. Мадрид жамоасининг барча голларига ярим ҳимоячи Федерико Вальверде муаллифлик қилди.
Вальверденинг хет-тригидан сўнг машҳур The Touchline саҳифаси Карло Анчелоттининг эски сўзларини ёдга олди. 2022/2023 йилги мавсум олдидан италиялик мутахассис шундай деган эди:
«Мен Вальвердега айтдим: агар у ушбу мавсумда 10 та гол урмаса, мен мураббийлик лицензиямни йиртиб ташлайман».
Якунда Федерико Вальверде ўша мавсумда 12 та гол уришга муваффақ бўлганди. Албатта, Карло Анчелотти лицензиясидан воз кечмади, чунки бу гаплар ҳазил тариқасида айтилган эди.
2025/2026 йилги жорий мавсумда эса Вальверде ҳисобида аллақачон 6 та гол мавжуд.
