Киевнинг «Динамо» клуби ҳимоячиси Тарас Михавко топ-клублар қизиқишлар доирасига тушиб қолди.
TEAMtalk нашрининг маълумотларига кўра, 20 ёшли футболчи билан шартнома имзолашга «Манчестер Юнайтед» ва «Челси» клублари қизиқиш билдирмоқда. Ҳар икки инглиз клуби украиналик футболчининг ўйинини ўрганиш учун ўз скаутларини юборган. Чап оёқда яхши ўйнайдиган марказий ҳимоячи аллақачон Украина терма жамоасида дебют қилишга улгурди ва «Динамо»нинг асосий ўйинчиларидан бири ҳисобланади.
Тарас Михавко 2023 йилда «Львов» клубидан Киевнинг «Динамо»сига эркин агент сифатида ўтган эди. Унинг шартномаси 2030 йилнинг 31 декабрига қадар мўлжалланган. Жорий мавсумда ҳимоячи киевликлар сафида барча турнирларда 29 та ўйинда майдонга тушиб, ўз ҳисобига учта гол ёздириб қўйди.
