УЕФА "Челси" ярим ҳимоячиси Педро Нетуга нисбатан "ПСЖ"га қарши ўйинда болбой билан боғлиқ воқеа учун санксиялар қўллаши мумкин.
"Кўклар" Чемпионлар Лигаси 1/8 финалининг биринчи ўйинида "ПСЖ"га 2:5 ҳисобида ютқазди. Ўйин давомида парижликлар бош мураббийи Луис Энрике болбойга тўпни рақибга узатмасликни буюрди. Кейин Нету йигитга яқинлашиб, уни итариб юборди, натижада йигитча ерга йиқилди.
"Челси" футболчиси УЕФА интизомий регламентининг 15(1)(а)(в) моддасига мувофиқ спортга хос бўлмаган хатти-ҳаракатлари учун жазоланади.
"УЕФА интизомий органлари бу масала бўйича ўз вақтида қарор қабул қилади", деди журналист Низар Кинселла.
