Эрлинг Холанднинг агенти Рафаэла Пимента "Барселона" президентлигига номзод Виктор Фонтнинг ўз мижози трансфери бўйича "Манчестер Сити" билан музокаралар олиб борилаётгани ҳақидаги сўзларига муносабат билдирди.

"Биз "Барселона"га катта ҳурмат ва эҳтиром билан қараймиз, аммо эҳтимолий трансфер мавзусида умуман ҳеч қандай алоқа бўлгани йўқ. Футболчи бир неча ой олдин шартномасини узайтирган ва "Ман Сити"да бахтли.

Унинг ишлари жойида ва "Сити"да ҳаммаси шу қадар яхши бўлиб турган бир пайтда, трансфер контекстида муҳокама қиладиган нарсанинг ўзи йўқ", – деди Пимента La Sextaга берган интервьюсида.