"Ливерпуль" ҳужумчиси Уго Экитике Лионель Месси билан бирга тўп сурган вақтлари ҳақида фикр билдирди. Аввалроқ улар "ПСЖ" таркибида бирга ўйнашган эди.
"Майдонга тушиб, Месси қиладиган ишларни худди ўша даражада бажариш мен учун қийин эди. Мен ҳеч қачон бу даражага етмаганман – ҳатто яқин ҳам келмаганман. Очиғи, "ПСЖ"даги даврим энг муваффақиятлиси бўлмади, лекин ўша пайтда бу менга керак эди. Мен кўп нарсани ўргандим, чунки дунёнинг энг яхши футболчиси, футбол тарихидаги энг яхши ўйинчи билан бирга ўйнадим", – дея Экитикенинг сўзларини келтиради The Touchline.
2025/2026 йилги мавсумда Уго Экитике 39 та ўйинда майдонга тушиб, 16 та гол урди ва шерикларига 6 та голли узатмани амалга оширди.
