«Манчестер Сити» ёзги трансфер ойнасида майдон марказини кучайтиришни режалаштирмоқда.

«Шаҳарликлар» жорий мавсум якунланганидан кейин албатта янги ярим ҳимоячи билан шартнома имзолашади, деб хабар бермоқда инсайдер Фабрицио Романо ўз ҳисоботида. Асосий номзодлар қаторида «Ноттингем Форест» аъзоси Эллиот Андерсон қолмоқда. «Ўрмончилар»нинг 23 ёшли юлдузи бўйича музокаралар ҳозирча олдинга силжиган эмас, бироқ инглиз хавбеки «Сити»нинг 2-3 та асосий мақсадлари рўйхатига киритилган, деб таъкидлайди манба.

Андерсонни қўлга киритишга «Манчестер Юнайтед» ҳам қизиқиш билдирмоқда. Transfermarkt портали баҳосига кўра, Англия терма жамоаси футболчисининг нархи 60 млн еврони ташкил этади.