«Интер»нинг собиқ президенти Массимо Моратти миланликлар жамоасининг ўйини ҳақида мулоҳаза юритди. Эслатиб ўтамиз, аввалроқ «нерадзурри» Италия Кубоги ярим финалининг дастлабки учрашувида «Комо» билан 0:0 ҳисобида дуранг ўйнаган, шундан сўнг А Серия доирасидаги сафар ўйинида «Милан»га имкониятни бой берган эди (0:1).

«Италия Кубогида биз бўшашиб ўйнадик, чунки хаёлимиз жавоб учрашувида эди. Сўнгги 10 дақиқа даҳшатли ўтди, тўп тинимсиз у ёқдан-бу ёққа тепиб ташланди. Айнан шу ўйинда пассивлик кўзга ташланди ва кейинчалик буни «Милан» билан баҳсда ҳам кўрдик.

Мен мавсум якунида «Интер» барқарорликни сақлаб қолишини кутмоқдаман. Иккинчи ўриндаги жамоадан 7 очкога ўзиб кетганимиз — бу катта ва муносиб муваффақиятдир», — дея Мораттининг сўзларини келтирмоқда «tuttomercatoweb».