Швеция терма жамоасининг собиқ ҳужумчиси Златан Ибраҳимович Нидерландия терма жамоасининг собиқ форварди Марко ван Бастенни ўзининг кумири деб атади.
«Милан»нинг собиқ футболчиларидан кимга ҳавас қилганман? Бу — Марко ван Бастен. «Аякс»га келганимда мени Марко билан солиштиришган, чунки у ҳам амстердамликлар сафида ўйнаган. Ван Бастен — бу ҳақиқий афсона.
Ван Бастен, Гуллит ва Райкард «Милан» тарихига киришган. Ван Бастеннинг фаолияти қисқа бўлди, аммо унинг ўйини жаҳон футболи тарихида абадий қолади», — деди Ибраҳимович «CBS» телеканалига берган интервьюсида.
Маълумот учун, Марко ван Бастен жароҳатлар туфайли футболчилик фаолиятини 28 ёшида якунлашга мажбур бўлган эди.
