«Вест Хэм» ярим ҳимоячиси Матеуш Фернандеш ёзги трансфер ойнасида клубни тарк этиши мумкин. Журналист Алекс Крукнинг хабар беришича, агар «болғачилар» Премьер-лигадаги ўрнини сақлаб қола олишмаса, португалиялик футболчи ўзини сотишларини талаб қилади. 21 ёшли ўйинчига асосий даъвогарлардан бири «Манчестер Юнайтед» бўлиб турибди, шунингдек, бошқа клублар ҳам вазиятни кузатиб боришмоқда.
«Transfermarkt» портали баҳосига кўра, Матеуш Фернандешнинг қиймати 35 млн еврони ташкил этади. Ўтган йилнинг август ойида «Вест Хэм» футболчини «Саутгемптон»дан 44 млн евро эвазига сотиб олган эди. Жорий мавсумда хавбек Лондон жамоаси сафида барча турнирларда 32 та ўйин ўтказиб, 4 та гол ва 4 та голли узатмани ўз ҳисобига ёздириб қўйди.
