"Реал" бош мураббийи Альваро Арбелоа Чемпионлар Лигаси ва Испания чемпионати баҳслари ўртасидаги ўтиш жараёни ҳақида ўз фикрларини билдирди.
"Бу, албатта, қийин. Ўзимизга бўлган талабчанлигимиз рақибнинг мотивациясидан кам бўлмаслигига эришишимиз керак. Ишончим комил, "Бернабеу"да биз сўнгги турлардаги "Эльче"ни кўрмаймиз. Шу сабабли ҳам "Реал" ўйинчиси бўлиш қийин — бунинг учун ғолиблик характери керак. Биз бор кучимизни беришимиз шарт ва буни яхши тушуниб турибмиз. Биз учун ҳеч қандай шубҳа ёки баҳоналарга ўрин йўқ — ажойиб ўйин ўтказишимиз зарур", — деди Арбелоа матбуот анжуманида.
"Реал" шанба куни, 14 март куни "Эльче"ни қабул қилади.
