"Монако" ярим ҳимоячиси Ламин Камара Англиянинг "Ньюкасл" клуби қизиқишлари доирасига тушиб қолди. Бу ҳақда The i Paper нашри хабар бермоқда.
Манбанинг таъкидлашича, "қарғалар" скаутлик хизмати сенегаллик футболчининг Лига 1 ва Чемпионлар Лигасидаги ўйинларидан ҳайратда қолган. Скаутлар Камарада динамик АПЛда муваффақият қозониш учун зарур бўлган жисмоний фазилатларни алоҳида қайд этишган. Томонлар ўртасидаги музокаралар яқин келажакда бошланиши мумкин.
"Монако" ушбу футболчини 2024 йилда "Мец" клубидан 15 миллион евро эвазига сотиб олган эди. Жорий мавсумда ярим ҳимоячи 23 та ўйинда майдонга тушиб, 3 та голли узатмани амалга оширди. Унинг клуб билан шартномаси 2029 йилгача амал қилади. Transfermarkt портали Камаранинг нархини 30 миллион евро деб баҳоламоқда.













