«Манчестер Сити» бош мураббийи Хосеп Гвардиола Англия чемпионати доирасида сафарда «Вест Хэм»га қарши бўладиган ўйин олдидан журналистлар билан мулоқот қилди.
Гвардиоладан ҳужумчи Эрлинг Холанднинг ҳолати ҳақида сўрашди. "Шаҳарликлар" устози Холанд майдонга тушишга тайёр эканлигини маълум қилди. Қайд этиш лозимки, Эрлинг сўнгги ҳафталарда жисмоний муаммолар ва чарчоқ туфайли «Манчестер Сити»нинг иккита ўйинини ўтказиб юборган эди.
Премьер-лига доирасидаги «Вест Хэм» ва «Манчестер Сити» ўртасидаги баҳс 14 март куни Тошкент вақти билан соат 01:00 да бошланади.













