Мадриднинг «Реал» клуби устози Альваро Арбелоа ўз иши ҳақида фикр билдирди.
«Мен мақтовларга берилиб кетмайман ва биламанки, кейинги муваффақиятсизликда менга яна шубҳа билан қарай бошлашади. Бу нормал ҳолат — гап менда эмас, балки мен ўтирган курсида. Бу ерда талаблар жуда юқори. Ҳатто Чемпионлар Лигасида бир неча бор ғолиб чиққан инсонларни ҳам бу ерда танқид қилишган. Бу мен учун янгилик ёки кутилмаган ҳолат эмас», — деди Арбелоа жума кунги матбуот анжуманида.
Эслатиб ўтамиз, ҳафта ўртасида «Реал» Чемпионлар Лигасида «Манчестер Сити»ни 3:0 ҳисобида мағлуб этган эди. Эндиликда Альваро Арбелоа жамоани Ла Лига доирасидаги «Эльче»га қарши уй ўйинига тайёрламоқда.
