Сўнгги пайтларда "Арсенал" фақат натижага йўналтирилган ўйин услуби учун танқид қилинмоқда. Жамоа бош мураббийи Микель Артета бу мавзуда ўз фикрларини билдириб ўтди.
"Гап ғалаба қозониш имкониятини оширадиган тарзда ўйнаш ҳақида кетмоқда. Бор гап шу. Яқинда "Ньюкасл" ва "Барселона" ўртасидаги учрашувни томоша қилдим. "Барселона" — Европадаги энг жозибадор ўйин кўрсатадиган жамоалардан бири. Бироқ улар шиддати юқори ва ўтиш фазаларида жуда кучли бўлган АПЛ жамоасига дуч келишди. Натижада биз бутунлай бошқача ўйин кўрдик. Мен "Барселона"ни илгари бундай ҳолатда кўрмагандим. Бу — "Ньюкасл"нинг улкан ютуғи. Биз мана шундай лигада ўйнаяпмиз. Испанияда "Барселона"нинг бундай ўйнашини кўрмайсиз", — деди Артета журналистларга.
Эслатиб ўтамиз, "Арсенал" шанба куни, 14 март санасида АПЛ доирасида "Эвертон"ни қабул қилади.
