"Ливерпуль" ҳужумчиси Александр Исак яқин орада жароҳатидан фориғ бўлиб, сафга қайтади. Швециялик футболчи ўтган йилнинг декабрь ойидан бери синиш жароҳати сабабли майдонга тушмаётган эди. Журналист Пол Жойснинг маълумотларига кўра, форварднинг реабилитация жараёни якунланиш арафасида. 26 ёшли футболчи тўлиқ соғайиб, терма жамоалар ўйинларидан кейинги танаффусдан сўнг, яъни апрель ойи бошида "қизиллар" таркибига қайтиши кутилмоқда.
Александр Исак ўтган йилнинг ёзида "Ньюкасл"дан "Ливерпуль"га ўтган эди. Ўйинчининг трансфер қиймати 145 миллион еврони ташкил қилган. 15 март куни Арне Слот жамоаси Премьер-лиганинг 30-тури доирасида ўз майдонида "Тоттенхэм"ни қабул қилади.
